Dál Riata

Imatge satellit d'Escòcia e del nòrd d'Irlanda que mostra l'airal aproximatiu del Dál Riata.

Dál Riata (tanben Dalriada o Dalriata) foguèt un reialme Gaelic qu'èra situat a l'encòp sus las còstas oèst d'Escòcia actuala e las còstas nòrd d'Irlanda actuala, dins los territòris nomenats uèi Argyll e Bute, Lochaber, County Antrim. La vista tradicionala de Dál Riata coma una colonia irlandesa en Escòcia foguèt tornar mesa en question sus de basas arqueologicas, mas es pas clar qu'un consensus siaga trapat e los istorians demoran devesits sus lo subjècte. Los abitants de Dál Riata son sovent apelats Scots, del Latin scotti, un mot que ven del bas latin scottis,que ven del mot grec σκοτοσ que significa "foscor" , e que mai tard designara los "gaelic-parlants", si que non escocés, irlandés o autre. Son tanben sonats Gaels, un terme plan mai clar, o Dál Riatans.

Lo reialme atenhèt son desvolopament maximal jos Áedán mac Gabráin (574-608), mas son expansion foguèt arrestada a la Batalha de Degsastan en 603 per Æthelfrith de Northumbria. De desfachas seriosas en Irlanda e Escòcia al temps de DomnBrecc (m. 642) acabèron l'edat d'aur del Dál Riata, e lo reialme devenguèt un client de Northumbria, alara assubjectida als Pictes. I a una brega sus la destinada del reialme al sègle VIII, ont d'unes véson pas de reviscòl del Dal Riata aprèp la longa passa de dominacion estrangièra ,d'aprèp 637 fins a a pauc près 750 o 760, alara que d'autres véson una respelida del Dal Riata jos Áed Find (736-778) e l'usurpacion de la reialtat de Fortriu per lo Dál Riata, un parèl de generacion puslèu que lo que n'es creditat abitualament: Cináed mac Ailpín (800-858). Lo reialme desapareis fins finala a l'Edat Viking.