Add-onbeoardielingen binne in manier om jo miening oer de troch jo ynstallearre en brûkte add-ons te dielen. Us beoardielingsmoderaasjeteam behâldt harren it rjocht foar om elke beoardieling dy’t net oan dizze rjochtline foldocht te wegerjen of fuort te smiten.
Tips foar it skriuwen fan in goede beoardieling
Dwaan:
- Skriuw as oft jo in freon oer jo ûnderfining mei de add-on fertelle.
- Hâld beoardielingen koart en ienfâldich te begripen.
- Jou spesifike en behelpsume details. Bygelyks:
- Wurke de add-on lykas jo ferwachten?
- Hokker funksjes fûne jo fijn of minder fijn?
- Wie de add-on nuttich?
- Wie de add-on ienfâldich te brûken?
- Bliuwe jo dizze add-on brûke?
- Nim in momint om jo beoardieling troch te lêzen eardat jo dy yntsjinje, om sa typflaters te minimalisearjen.
Net dwaan:
- Ekstreem koarte beoardielingen as ‘Bjusterbaarlik!’, ‘prachtich’ of ‘slim’ yntsjinje.
- Technyske problemen, stipefragen of oanfragen foar funksjes pleatse. Brûk hjirfoar, wannear beskikber, de stipeopsjes foar elke add-on. Jo fine dizze yn de seksje ‘Mear ynformaasje’ yn de sidebalke op de detailside fan de add-on.
- Beoardielingen skriuwe foar add-ons dy’t jo net sels brûkt hawwe.
- Grouwélich, seksueel tinte of mooglik haatsjend taalgebrûk.
- HTML, keppelingen, boarnekoade of koadefragminten opnimme. Beoardielingen binne útslutend tekstueel.
- Falske ferklearringen ôflizze, add-onskriuwers unhoask bejegenje of se persoanlik beledigje.
- Jo eigen of in oar syn e-mailadres, telefoannûmer of oare persoansgegevens opnimme.
- Beoardielingen foar in add-on dy’t jo of jo organisaasje skreaun of fertsjinwurdige hat skriuwe.
- In add-on bekritisearje foar eat wat hy dwaan moatte soe. Bygelyks in negative beoardieling fan in add-on fanwegen it werjaan fan advertinsjes of gegevenssamling efterlitte, wylst dat it doel is fan de add-on, of wannear’t de add-on gegevens sammelje moat om te wurkjen.
Faak stelde fragen oer beoardielingen
Hoe kin ik in probleem mei in beoardieling melde?
Meld of label twiveleftige beoardielingen troch op ‘Dizze beoardieling melde’ te klikken, en dizze wurdt dernei foar moderaasje oanmeld. Us moderaasjeteam brûkt de Beoardielingsrjochtlinen om te evaluearjen of de beoardieling fuortsmiten wurde moat of werompleatst wurdt op de website.
Ik bin in add-onskriuwer, kin ik antwurdzje op beoardielingen?
Ja, add-onskriuwers kinne foar ien kear ien beoardieling beäntwurdzje. Jo kinne in diskusje starte op ús foarum om de diskusje fierder te fieren.
Ik bin in add-onskriuwer, kin ik negative beoardielingen of wurdearringen fuortsmite?
Oer it algemien net. Mar as de beoardieling net foldocht oan de boppesteande rjochtlinen kinne jo op ‘Dizze beoardieling melde’ klikke om moderaasje te starten. As de beoardieling in klacht beskriuwt dy’t net mear jildt fanwegen in nije útjefte fan jo add-on, dan kinne wy oerweage de beoardieling fuort te smiten.