U

Para iti kimiko nga elemento, kitaen ti Uranio.

Ti U ket ti maika-21 a letra iti alpabeto a Romano.

U
Abesedário a Latin
Aa	Bb	Cc	Dd	Ee	Ff	Gg
Hh	Ii	Jj	Kk	Ll	Mm	Nn
Oo	Pp	Qq	Rr	Ss	Tt	Uu
Vv	Ww	Xx	Yy	Zz

Pakasaritaan

Proto-Sinaitiko	Penisio a Waw	Lumaud a Griego nga Upsilon	Latin a V	Latin nga U

Naibatay ti U iti Semitiko a waw, agraman ti F, ken kalpasanna, Y, W ken V. Agpetsa ti kadaanan a kapuonanna iti dagiti heroglipiko nga Ehipsio, ket ngata manipud iti heroglipiko ti pang-or wenno tumatayab, a mangirepresentar iti uni a [v] wenno iti uni a [w]. Naampon daytoy iti alpabeto a Penisio, a nangirepresentar iti uni a [w] wenno manmano iti bokal nga [u].

Iti alpabeto a Griego, naala ti dua a letra manipud iti Penisio a waw. Kayatko a sawen, naampon ti letra, ngem nabingay. Iti maysa a bangir, nangirepresentar ti Digamma wenno wau ⟨Plantilia:Script/Greek⟩ iti [w], ngem iti sabali a bangir, ti Upsilon ⟨Plantilia:Script/Greek⟩, a immuna a nangirepresentar iti [u], ket ti idi agangay nagbalin a maysa a sango a bokal a [y].

Iti alpabeto a Latin kadagiti nagkauna a tiempo, nautang ti maysa nga awan ti ungkayna a bariante kas U, a naala iti porma ti moderno a V — direkta man manipud iti alpabeto a Lumaud a Griego wenno babaen ti alpabeto nga Etrusko — tapno mangirepresentar iti isu met laeng a uni nga /u/, kasta met konsonante a /w/. Gapuna, kas pagarigan, nabalikas ti num — orihinal a naisurat iti NVM — kas /num/, ken ti via kas la. Manipud idi umuna a siglo K.P., depende iti dialekto ti Bulgar a Latin, nagbalin ti konsonante a /w/ iti /β/ (a nataginayon iti Espaniol), ket kalpasanna iti /v/.

Bayat ti Naladaw a Tengnga a Panawen, nagparang dua a porma a minuskula, a nagpada a nausar para iti konsonante a /v/ wenno bokal a /u/. Naisurat ti nasileng a porma a ⟨v⟩ iti rugi ti sao, idinto ta nausar ti nagtimbukel a porma nga ⟨u⟩ iti tengnga wenno iti ungto, aniaman ti uni. Gapuna, idinto a nagparang ti valour ("kinamaingel") ken ti excuse ("pagpambar") kas iti moderno a pagimprentaan, nayimprenta ti have ("addaan") ken ti upon ("iti rabaw ti") kas "haue" ken "vpon", agisping.

Ti immuna a nairekord a panangusar ti ⟨u⟩ ken ⟨v⟩ kas agduduma a letra ket iti alpabeto a Gotiko manipud iti 1386, a immun-una ti ⟨v⟩ iti ⟨u⟩. Naimbelleng dagiti agim-imprenta ti dakkel a ⟨U⟩ pabor iti ⟨V⟩ idi maika-17 a siglo, nupay saan a naan-anay a naawat ti Académie Française iti pagdumaan ti dua a letra aginggana idi 1762. Nagbalin ti nagtimbukel a bariante iti moderno a bersion ti U, ket nagbalin ti dati a nayimprenta a bersionna iti V.

Dadduma pay a panagusar

• Ti U ket honoripiko iti pagsasao a Birmano.