PVV
Dit artikel is gesjreve (of beg�s) in 't Venloos. Laes hie wie v'r mit de versjillende saorte Limburgs �mgaon.
Partie veur de Vrieheid (baeter bekind es: PVV) is ein politieke partie die is opgerich door de Venlonaer Geert Wilders. Hae haet de partie in 2005 opgerich �nder de naam "Vereniging Groep Wilders", nao 'n conflik mit de VVD. Saer 22 november 2006 is de partie bekind �nder de naam Partie veur de Vrieheid. Beej de lendelike verkezinge van 2006 deej de partie veur 't iers mei. Wilders beholde neuge zaetele. Saer 2009 is de PVV vertaegewoordig in 't Europees Parlement (saer 2015 beej Europe des nations et des libert�s) en saer 2011 ouk in de Ierste Kamer en de Provinciale Staote.
Wilders is fractieveurzitter in de Twie�de Kamer, partieleijer en partieveurzitter. Ouk is hae 't insigs lid van de PVV.[1] Marjolein Faber is fractieveurzitter in de Ierste Kamer. Marcel de Graaff waas toet 2022 fractieveurzitter veur de PVV in 't Europees Parlement. Ouk zien hae en de Franse leier van Front National, Marine Le Pen, partieleijers van de Europese partie van de PVV: Europe des nations et des libert�s.
De partiekleure zien, as de Nederlandse vlag, roe�d, wit en blauw.
Bie de verkezinge van 22 november 2023 woort de PVV veur d'n ierste kier de groe�tste in de Twie�de Kamer.
Politieke richting
[bewirk | br�n bew�rke]De PVV is ein populistische partie, mer euver de persiese plaats in 't politiek spectrum besteit gein eindudigheid. Meistal weurt zeej geclassificeerd es rechse partie, smeis ouk extreem-rechs, vanwaege h��r standpunte die d�k es racistisch waere gezien. 't Geit dan mitname um de stellingname taegeneuver d'n islam en immigrante. De partie distantieert zich aevel heejvan.
Waal verschoef de partie van extreemrechs in 2006 nao 't midde in 2012. Det kump doordet de partie zoe�waal zier rechse as zier linkse standpunte haet. Zoe� is zeej veur streng straofe en 'n kleinere euverheid, mer tegeliek is zeej ouk fervent veurstander van bie�sterechte en 't idee van de verz�rgingsstaot.
De ideologie� is �.a. geclassificeerd as: Nederlands nationalisme, groe�tneerlandisme, nationaal-liberalisme, nationaal-conservatisme, rechs-populisme, islamofobie of anti-islam, anti-immigratie en euroscepticisme.
Standpunte
[bewirk | br�n bew�rke]In 't verkezingsprogram van 2017-2021 k�mme de volgende punte veur:
- De-islamisering van Nederland;
De PVV haet vuul kritiek op d'n islam, dae volges de PVV gein religie, mer 'n ideologie is. Heejin �nderscheid zeej zich van de meiste ander partie� in 't parlement. De partie wilt veurk�mme det mier luuj oet islamitische lande immigrere. Zeej wilt daorum de grenze toe. Ander punte zien beejveurbeeld 't intrekke van verbliefsverg�nninge, 't verbeje van 't drage van houfdeuk en 't preventief opsloete van radicale imams.
- Oet de Europese Unie gaon;
De partie steit bekind es hendig eurosceptisch. De PVV wilt oet de EU en de g�lde herinveure.
- Direkte democratie;
De PVV is veur 't inveure van 't bindend referendum, 'ne gekaoze minister-president en 'ne gekaozen Hoege Raod.
- Z�rg;
Kleinere z�rginstellinge, mier z�rgmitwerkers, minder raegels in de z�rg, gein eige risico. De PVV is veur de verz�rgingsstaot, mer wilt zeej allein beschikbaar stelle veur luuj mit de Nederlandse nationaliteit.
- Bie�sterechte;
De PVV wilt bie�sterechte opneme in de Gr�ndwet, 'n bie�stepliesie handhave. De partie is ouk taege bio-industrie. Zeej wilt 't zelf neet actief aanpakke, mer via de consument.
- Minder belasting;
't Geit veural um lie�gere ink�mstebelastinge en hauvering van de motorrietuugbelasting.
- Mier geld veur defensie en pliesie;
Concreet wilt de PVV beejveurbeeld 10.000 pliesie-agente d'rbeej, mer minder geld oetgaeve aan internationale militaire operaties.
- Strenger straofe;
De PVV wilt fors hoe�gere straofe. Taakstraofe en TBS wilt zeej aafschaffe
- �ntwikkelingsh�lp, kuns, windmeules (zoe�genaamde "linkse hobby's");
De PVV is taege financiering van �ntwikkelingsh�lp (behauve noe�dh�lp), windmeules en kuns. Ouk wilt zeej enne kleineren umroop.
- Boetelands beleid;
't Nederlands belang m�t volges de PVV altied veurop staon. Zeej wilt det de Antille �naafhenkelik waere, wilt steun veur christelike minderhede in T�rkie� en Egypte, en steunt de boew van joedse nederzettinge in Palestina.
- Infrastructuur;
Gein kilomaeterheffing, verlie�ging van benzienacciens, mier geld nao infrastructuur en verhoe�ging van de maximumnsnelheid op autosnelwaeg nao 140 km/u.
Controverses
[bewirk | br�n bew�rke]De o�tsprake en idee� van Wilders waere d�k es racistisch gezien. Zoe� pleitde Wilders veur 'n houfdookbelasting, veur sloeting van alle moskee� en brach hae in miert 2008 de zier controversi�le film Fitna oet. Nao de lendelike verkezinge van 2010 waas de PVV �nderdeil van de gedoogcoalitie VVD, CDA en PVV. In 2012 leide 'n conflik t�sse de PVV einerzieds en de CDA en VVD anderzieds tot de val van det kabinet. Ander kritiek geit euver 't �ntbraeke van democratie binne de partie. Luuj kinne beejveurbeeld gein lid waere. 'n Bekind gezich in de roop nao democratisering van de PVV is Hero Brinkman. Hae stapde in 2012 o�t de partie en richde de partie DPK op. Dees holde gein zaetels. In 2015 woort de Ondernemers Partij opgerich, mer dees waas ouk gein succes.
Vertaegewaordiging
[bewirk | br�n bew�rke]Twie�de Kamer
[bewirk | br�n bew�rke]Verkezingsjaor | Aantal stumme | % van de stummers | Aantal beholde zaetels |
---|---|---|---|
2006 | 579.490 | 5,90% | 9 / 150 |
2010 | 1.453.944 | 15,5% | 24 / 150 |
2012 | 950.263 | 10,1% | 15 / 150 |
2017 | 1.372.941 | 13,06% | 20 / 150 |
2021 | 17 / 150 | ||
2023 | 37 / 150 |
Provinciale Staote
[bewirk | br�n bew�rke]In 2011 deej de PVV veur 't iers mit aan de Provinciale Staoteverkezinge. De partie deej geliek mei in alle twelf provincies. Zie holde in totaal 66 zaetels. In 2007 waore d'r ouk verkezinge veur de Provinciale Staote, mer k�s de PVV nog gein kandidatelies samestelle.
Provincie | % 2011 | zaetels | % 2015 | zaetels |
---|---|---|---|---|
, Limburg | 20,6% | 10/47 | 17,8% | 9/47 |
, Flevoland | 15,0% | 6/39 | 14,4% | 6/41 |
, Zuud-Holland | 14,5% | 8/55 | 14,3% | 8/55 |
, Noord-Braobant | 14% | 8/55 | 12,8% | 7/55 |
, Noord-Holland | 11,8% | 6/55 | 11,0% | 6/55 |
, Drenthe | 9,8% | 4/41 | 10,9% | 5/41 |
, Zie�land | 11,8% | 5/39 | 10,3% | 4/39 |
, Gelderland | 10,4% | 6/55 | 9,7% | 5/55 |
, Euveriessel | 8,9% | 4/47 | 9,4% | 5/47 |
, Utrech | 10,6% | 5/47 | 9,0% | 4/49 |
, Friesland | 8,5% | 4/43 | 8,7% | 4/43 |
, Groninge | 7,7% | 3/43 | 8,0% | 3/43 |
Totaal | 12,4% | 69 | 11,8% | 66 |
Gemeinteraod
[bewirk | brón bewèrke]De PVV deej in 2010 veur 't iers mei aan de gemeinteraodsverkezinge van Den Haag en Almere. Zeej deej beej de gemeinteraodsverkezinge van 2018 in daartig gemeintes mei[2], waorónder in Mestreech, Venlo en Zittert-Gelaen. In totaal beholde zeej neuge zaetels.[3]
Europees Parlement
[bewirk | brón bewèrke]Verkezingsjaor | Aantal stumme | % van de stummers | Aantal beholde zetels |
---|---|---|---|
Europese Parlementsverkezinge 2009 | 769.125 | 17,0% | post-Nice: 4 (25) post-Lissabon: 5 (26) (inveuring oetgesteld) |
Europese Parlementsverkezinge 2014 | 633.114 | 13,3% | 4 (26) |
Europese Parlementsverkezinge 2019 | 0 (26) 1 (29) | ||
Europese Parlementsverkezinge 2024 | 6 (31) |
De PVV in Limburg
[bewirk | brón bewèrke]De PVV is in Limburg ein van de groeëtste partieë. De lendelike verkezinge van 2010 waor 't hoeëgtepunt, wie beej de Provinciale Staoteverkezinge van 2011. In 2010 waas zeej in bekans gans Limburg de groeëtste. In 2012 waas det de VVD. Allein in de gemeintes Ech-Zöstere, Stein en de Óngerbenk waas zeej de groeëtste. In 2017 waas de PVV de groeëtste in gemeintes wie Kèrkraoj, Haerle, Mestreech, Venlo. De partie waas opniej de groeëtste in vuul gemeintes, mer neet zoeëvuul es in 2010. Tiedes de gemeintesraodsverkezinge van 2018 beholde de PVV in Venlo veer zaetels.[4]
Bekinde Limburgse PVV'ers
[bewirk | brón bewèrke]- Geert Wilders, oet Den Haag (Twieëde Kamer)
- Lilian Helder, oet Venlo (Twieëde Kamer)
- Teun van Dijck, oet Venlo (Twieëde Kamer)
- Dion Graus, oet Haerle (Twieëde Kamer)
- Gabriëlle Popken, oet Gelaen (Twieëde Kamer)
- Gom van Strien, woeënechtig te Árse (Ierste Kamer)
Weblinks
[bewirk | brón bewèrke]Brónne
[bewirk | brón bewèrke]Dit artikel baseert zich op d'n inhald van de Nederlandse zösterpazjena.